Matangi | |
---|---|
Dèwi kawicaksanan, kagunan, mantra kang winedhar lan kakuwatan gaib | |
![]() Litograf ing pungkasané abad ka-19 nggambaraké dèwi klawan pedhang, tamèng, gitik, lan teken | |
Affiliation | Dèwi, Mahawidya, Parwati, lan Mahasaraswati |
Abode | Ing pinggiran bebrayan tradhisional lan jeroning mantra |
Mantra | Om Hreem Aim Shreem Namo Bhagawati Ucchista-Chandali Shree Matangeshwari Sarvajanavashankari Swaha |
Consort | Brahma, Siwa as Matanga |
Matangi (Basa Sangsekerta: मातंगी) ya iku dèwi Hindhu kaping sanga saka sepuluh dèwi Mahawidya. Dèwi Matangi iku minangka wujud ganas saka Parwati, Biyung Babon ing agama Hindhu. Dhèwèké dianggep minangka wujud Tantra saka Saraswati kang mengku prakara mantra, musik, kawruh, lan kagunan. Ngibadahé ditamtokaké kalawan merkolèhé kakuwatan gaib, utamané merkolèh kendhaliné mungsuh, nariki uwong, merkolèh kakuwasan babagan kagunan lan merkolèh kawruh kang luhur.
Matangi lumrah digayutaké marang prakara reregedan, kemlaratan lan masarakat Hindhu pinggiran. Mula diwujudaké ing rupa misuwuré minangka Uchchhishta-Chandalini utawa Uchchhishta-Matangini.[1] Dhèwèké digambaraké minangka Chandalini kang nawan-nawani sisa panganan utawa kang sapérangan panganan kang wis dipangan (Uchchhishta) mawa tangan utawa kang ora dikumbah sawisé mangan. Kaya mangkono iku diarani ora murni ing sajroning agama Hindhu klasik.
Matangi diwujudaké minangka warna ijo jamrut. Sawetara Uchchhishta-Matangini nggawa tampar, pedhang, gitik, lan teken. Wujud misuwur liyané ya iku Ratu Matangi kalawan main veena lan lumrah digambaraké kalawan manuk Béo.
© MMXXIII Rich X Search. We shall prevail. All rights reserved. Rich X Search